Kópbalaly otbasylarǵa arnalǵan arzan baspana qalaı beriledi

20190311124214.jpg

Aldaǵy ýaqytta elimizdiń barlyq óńirlerinde kópbalaly otbasylar úshin myńdaǵan jaldamaly páter salynýy shart. Prezıdent Nursultan Nazarbaev aqpannyń sońynda ótken «Nur Otan» partııasynyń sezinde atqarýshy bılikke osyndaı tapsyrma júktegen bolatyn. Úkimet ony uzaqqa sozbaı, mamyr aıynda alǵashqy páterlerdi bere bastaýdy josparlap otyr. Ondaı baspananyń bir aılyq tólemaqysy shamamen 7-9 myń teńge bolady degen boljam da aıtylyp qalǵan edi. Osyǵan baılanysty QazAqparat tilshisi Qazaqstandaǵy jaldamaly páterler qurylysyn zerdelep, kópbalaly otbasylarǵa arnalǵan baspanany jalǵa berýdiń esep-qısabyn saraptap shyqqan bolatyn.


Memleket basshysynyń tapsyrmasyna sáıkes, jeti jyldyń ishinde 40 myńnan astam jaldamaly páter salynýy qajet. Al ondaı baspana «kópbalaly otbasylar» sanatyna kiretin barlyq azamattarǵa berilmeıdi, tek áleýmettik jaǵynan az qamtylǵan otbasylar arasynda ǵana taratylady. «Úkimetke «Nurly jer» baǵdarlamasy aıasynda 40 myńnan astam jaldamaly páterdi salyp shyǵýdy tapsyramyn. Atalǵan páterler aldymen az qamtylǵan kópbalaly otbasylarǵa berilýi shart. Osy maqsatta aldaǵy jeti jyldyń ishinde jyl saıyn 50 mıllıard teńgeden bólip otyrý qajet», - dedi Nursultan Nazarbaev.


Búginde Qazaqstanda kópbalaly otbasylardyń sany 340 myńnan asyp jyǵylady. Biraq olardyń barlyǵy birdeı baspanaǵa zárý emes. QR Indýstrııa jáne ınfraqurylymdyq damý mınıstrliginiń málimetine sáıkes, respýblıka boıynsha baspana kezeginde 487 756 adam tur. Osy azamattardyń ishinde 216 464 adam - áleýmettik jaǵynan az qamtylǵandar. Al áleýmettik jaǵynan az qamtylǵandardyń arasynda 28 126 kópbalaly ana bar. Demek, Prezıdent tapsyrmasy aıasynda salynatyn jaldamaly páterler aldymen osy adamdarǵa beriledi.


Negizi, «Nurly jer» baǵdarlamasy aıasynda jaldamaly páter salý jumysy osydan eki jyl buryn bastalǵan. Sodan beri bir myńnan astam kópbalaly otbasy osyndaı baspanaǵa ıe boldy. Máselen, 2017 jyly 707 otbasy jaldamaly páter alsa, 2018 jylda 486 kópbalaly otbasy arendalyq úıge kirdi. Jalpy, eki jyldyń ishinde 6,3 myń arendalyq páter paıdalanýǵa berilipti. Demek, sonyń tek 20 protsenti ǵana kópbalaly otbasylarǵa tıip kelgen.


Жарнама орны

Múmkin sizdi qyzyqtyratyn taqyryptar:

  • Kópbalaly otbasylarǵa arnalǵan arzan baspana qalaı beriledi
  • GMO-dan saqtan!