Gúlshara Ábdiqalyqova kásipkerlerge jumysshylarynyń jalaqysyn ósirýge keńes berdi

2019022517210748780_1480435734f2jfr_1000x768.jpg

Úkimettiń QR Premer-mınıstriniń orynbasary Gúlshara Ábdiqalyqova bastaǵan áleýmettik blogynyń birinshi basshylarynan quralǵan jumys toby búgin aqtóbelik kásipkerlermen kezdesti, dep habarlaıdy QazAqparat tilshisi. 

Aqtóbedegi rels-arqalyq zaýytyna kásipkerler men aýdan ákimderi jınalyp, Elbasy Nursultan Nazarbaevtyń partııa sezindegi tapsyrmalarynyń oryndalý jolymen tanysty. Premer-mınıstrdiń orynbasary Gúlshara Ábdiqalyqova bastaǵan Úkimet toby áleýmettik salany nyǵaıtýǵa arnalǵan jumys týraly aıtyp berdi. 

«Birinshiden, jumysshylar aldynda nesıesi bolmaýy kerek. Kún saıyn daý-janjaldyn neden bastalatyn qarap otyramyz. Sonyń úshten biri nesıeden bolyp tur. Ekinshiden, eńbek qaýipsizdigi qatań saqtalýy tıis. Respýblıka boıynsha óndiristik jaraqat kólemi azaıdy, degenmen álemdik standartqa jetý mejesi tur. Úshinshiden, jalaqyny kezeń-kezeńimen ósirý kerek. Sońǵy 10 jylda bıýdjet qyzmetkerleriniń eńbekaqysy 2,5 ese artty. Bul joly shilde aıynda 30 paıyzǵa ósedi. Óndiriste, bızneste jalaqynyń óskeni durys dep esepteımiz. Tórtinshiden, jumysshyny qysqartýǵa jol bermeý kerek», - dedi Gúlshara Ábdiqalyqova. 

Kásipkerlermen kezdesý kezinde bıznestiń áleýmettik jaýapkershiligin joǵary baǵalady. Sonymen qatar, muqtaj otbasylarǵa kómek kórsetýge shaqyrdy. «Biz kópbalaly, muqtaj otbasylarmen kezdesýge bardyq. Keıbir otbasyǵa shyn máninde kómek kerek, al keıbirine jol siltep, baǵyttap jiberýge bolady. Áıelder úshin úıde otyryp tigý, pisirý sekildi kásipti bastaýǵa septigin tıgizý qajet», - dedi Premer-mınıstrdiń orynbasary Gúlshara Ábdiqalyqova. 

Жарнама орны

Múmkin sizdi qyzyqtyratyn taqyryptar:

  • Nıgerııada mektep ǵımaraty opyrylyp, júzden astam adam astynda qaldy
  • Túrkistan oblysyndaǵy iri jol apatynan taǵy 4 adam zardap shekken
  • Qostanaıda balyqshylar mingen kólik muz astyna túsip ketti
  • Mańǵystaýdaǵy ken ornynda oqys oqıǵa boldy
  • Gúlshara Ábdiqalyqova kásipkerlerge jumysshylarynyń jalaqysyn ósirýge keńes berdi