Túrkistan oblysyndaǵy iri jol apatynan taǵy 4 adam zardap shekken

20181128174420.jpg

Aýyr halde aýrýhanaǵa jetkizilgen eki búldirshinge ota jasalyp, jansaqtaý bólimine jatqyzylǵan, al eki áıel  qalalyq ortalyq aýrýhanada.

 

 Oblystyq densaýlyq saqtaý basqarmasynyń baspasóz hatshysy Mıra Súleımenovanyń aıtýynsha, báriniń de jaǵdaıy aýyr.

 

 «Jol-kólik apatynan Túrkistan qalalyq balalar aýrýhanasyna eki búldirshin jetkizildi. Olar 4 jasar ul jáne 2 jasar qyz bala. Ekeýiniń de jaǵdaıy aýyr, jaraqattary da aýyr. Qyzdyń ashyq bas mı jaraqaty bar. Dárigerler ekeýine de ota jasap, qazir jansaqtaý bólimine jatqyzyldy. Qalalyq ortalyq aýrýhanaǵa jatqyzylǵan 1952 jylǵy jáne 1974 jylǵy eki áıeldiń biri bas mı jaraqatymen tússe, ekinshisiniń buǵanasy synǵan. Bulardyń da jaǵdaıy aýyr. Naýqastar dárigerlerdiń tolyq baqylaýyna alyndy»,- deıdi Mıra Súleımenova.

 

Eske salaıyq, búgin  Shymkent - Samara avtojolynyń 115 shaqyrymynda «Neksııa»  jeńil avtokóligi men «Hendaı stareks» mınıveni soqtyǵysqan bolatyn. Saldarynan aýyr jaraqat alǵan 2014 jyly týǵan eki bala men  2004 jyly týǵan jasóspirim medıtsınalyq mekemege barar jolda kóz jumdy. Al, «Neksııa» kóliginiń júrgizýshisi aýrýhanada qaıtys bolǵan edi. 


Жарнама орны

Múmkin sizdi qyzyqtyratyn taqyryptar:

  • Nıgerııada mektep ǵımaraty opyrylyp, júzden astam adam astynda qaldy
  • Túrkistan oblysyndaǵy iri jol apatynan taǵy 4 adam zardap shekken
  • Qostanaıda balyqshylar mingen kólik muz astyna túsip ketti
  • Mańǵystaýdaǵy ken ornynda oqys oqıǵa boldy
  • Gúlshara Ábdiqalyqova kásipkerlerge jumysshylarynyń jalaqysyn ósirýge keńes berdi