Almatyda kásipqoı boks keshi ótedi

20190311151716.jpg

24 naýryzda Almaty Arena sport kesheninde Qazaqstan, Reseı, Afrıka elderi, Venesýela, Ózbekstan, Belarýs, Grýzııa jáne basqa da memleketter boksshylarynyń qatysýymen kásipqoı boks keshi ótedi, dep habarlaıdy QazAqparat tilshisi «SULEIMEN Promotions» promoýterlik kompanııasynyń baspasóz qyzmetine silteme jasap.

Boks keshin Naýryz merekesi toılanyp jatqan ýaqytta ótkizý josparlanǵan. 

«Jalpy, munda 16 boksshynyń qatysýymen 8 aıqas ótedi. Keshtiń basty tıtýldy kezdesýleri - jeńilip kórmegen  Aıdos Erbosynuly men Nursultan Jańabaevtyń qatysýymen ótetin jekpe-jekter bolmaq.  Aıdos Erbosynuly (10-0-8KO) ekinshi orta salmaqta ońtústikafrıkalyq Lýkas Ndafolýmmen (15-1-6KO) qolǵap túıistiredi. Atalmysh kezdesýde WBA INTERNATIONAL chempıondyq belbeýi tigilip, WBC ASIA ı WBO GLOBAL belbeýi qorǵalmaq. Lýkas Ndafolýmanyń laqap aty «Kúıretýshi». Al Nursultan Jańabaev (6-0-4KO) WBA INTERCONTINENTAL tıtýly úshin Venesýela eliniń boksshysy Ivan Matýtemen (28-1-23 KO) shyǵady. 25 jastaǵy venesýelalyq Ivan Matýte (laqap aty «El Demoledor») 28 aıqas ótkizip, 23-in nokaýtpen aıaqtaǵan», - delingen habarlamada. 

«Eye of the Tiger Management» promoýterlik kompanııasynyń boksshysy Sadrıddın Ahmedov (7-0, 7 KO) WBC Asia tıtýly úshin sharshy alańǵa shyǵady. Onyń qarsylasynyń kim bolatyny áli belgisiz. 

Basty aıqastardyń anderkartynda Dastan Sádýuly, (1-0, 1 KO) Eskendir Harsan, Ashat Jantursynov, Dıas Tastemirov (3-0, 3KO) shyǵady.

Жарнама орны

Múmkin sizdi qyzyqtyratyn taqyryptar:

  • Almatyda kásipqoı boks keshi ótedi