Otandyq fýtbol klýbtarynda legıonerler sanyn azaıtý máselesi qaralady - Úkimet basshysy

20190228193639.jpg

Otandyq fýtbol klýbtarynda legıonerler sanyn azaıtý máselesi qaralady. Bul jaıynda Májilis depýtattarynyń resmı saýalyna jaýap bergen QR Premer-mınıstri Asqar Mamın atap ótken, dep habarlaıdy QazAqparat tilshisi. 

«Sheteldik fýtbolshylardy kásibı klýbtarǵa tartý keń taralǵan álemdik tájirıbe. Sheteldik fýtbolshylar óz elderi fýtbolynyń elementterin alyp kelip qazaqstandyq fýtboldy jetildire túsedi, ol qazaqstandyq fýtbolshylarǵa álemdik tájirıbeden tek jaqsysyn alýǵa múmkindik beredi. Máselen, Gollandııa jáne Italııada legıonerlerge shekteý joq. Frantsııada tek 4 qana legıoner shaqyra alady. Qazaqstandyq Premer-Lıgada ár klýb maýsymǵa 8 sheteldik oıynshy tirkeı alady, alańda bir ýaqytta 6 ǵana oıynshy bola alady. Reseıde de legıonerler sany boıynsha tájirıbe osyndaı», - dedi Asqar Mamın. 

Úkimet basshysynyń atap ótýinshe, sheteldik oıynshylarǵa qoldanystaǵy lımıt qazaqstandyq oıynshylarǵa qajetti tájirıbeni qamtamasyz etýge jáne Eýropada jetistikterge jetýge múmkindik beredi. Keleshegi bar otandyq jastardy tartý maqsatynda Mádenıet jáne sport mınıstrligi otandyq fýtbol klýbtarynda legıonerler sanyn azaıtý máselesin qaraıtyn bolady. 

«Joǵaryda atalǵandaı, Qazaqstanda buqaralyq jáne balalar men jasóspirimder fýtbolyn damytýǵa jaǵdaı jasalýda. Aıtalyq, Dene shynyqtyrý men sportty damytýdyń 2025 jylǵa deıingi tujyrymdamasyn iske asyrý boıynsha is-sharalar josparynda fýtbol alańdary (manejder) jelisin damytý boıynsha sharalar belgilengen. Fýtboldy damytý bóliginde kórsetilgen is-sharalar josparyn iske asyrýdyń oń tájirıbesin eskere otyryp, spartakıadalardy, fýtboldan stýdenttik jáne mekteptik lıgalardy ótkizý jalǵasatyn bolady», - dedi ol. A.Mamın Elbasynyń 2018 jylǵy 5 qazandaǵy Joldaýy aıasynda jas fýtbolshylardy daıyndaý, sondaı-aq sporttyq nysandar men fýtbol alańdaryn salý maqsatynda muqtaj eldi mekenderde 100 dene shynyqtyrý-saýyqtyrý keshenderin salý boıynsha jumys júrgizilip jatqandyǵyn da atap ótken. 

«Sonymen qatar qoldanystaǵy sporttyq ınfraqurylymdy paıdalanýdyń tıimdiligin joǵarylatý boıynsha sharalar kesheni, sporttyq keshender men quraldardyń balalar úshin qoljetimdigin qamtamasyz etý boıynsha jańa tásilder ázirlendi», - dedi Premer-mınıstr. Aıta keteıik, 23 qańtarda Májilistiń bir top depýtaty sol kezdegi Premer-mınıstr Baqytjan Saǵyntaevtyń atyna resmı saýal joldap, sheteldik legıonerlerdi tartý tájirıbesin retteýge jáne únemdelgen qarajatty sport mektepterinde, sektsııalarda, onyń ishinde aýyldyq jerlerde jas fýtbolshylardy daıarlaýǵa, sondaı-aq sport nysandary men fýtbol alańdaryn salýǵa baǵyttaýǵa usynys jasaǵan bolatyn.

Жарнама орны

Múmkin sizdi qyzyqtyratyn taqyryptar:

  • Kólik polıtseıleri Naýryz qarsańynda «Quqyqtyq tártip» is-sharasyn ótkizedi
  • Otandyq fýtbol klýbtarynda legıonerler sanyn azaıtý máselesi qaralady - Úkimet basshysy
  • Elbasy Dúnıejúzilik Arnaıy Olımpıada oıyndarynyń ashylý rásimine qatysty
  • Prezıdent tapsyrmasy: Úkimet toby barǵan kópbalaly otbasyna aqtóbelik kásipker úı berdi
  • QR AShM Sý resýrstary komıtetiniń tóraǵasy qyzmetinen shettetildi