Kólik polıtseıleri Naýryz qarsańynda «Quqyqtyq tártip» is-sharasyn ótkizedi

Screenshot_1.jpg

Aǵymdaǵy jyldyń 18-20 naýryzy aralyǵynda QR ІІM Kóliktegi polıtsııa departamenti «Quqyqtyq tártip» jedel-aldyn alý is-sharasyn ótkizedi, dep habarlaıdy QazAqparat vedomstvonyń baspasóz qyzmetine silteme jasap.

Іs-sharaǵa kóliktegi ishki ister organdarynyń barlyq kúshteri men quraldary qatysady.  Kóliktegi polıtsııa departamentiniń bastyǵy polıtsııa polkovnıgi Amanjol Qabylovtyń aıtýynsha, atalmysh aktsııanyń maqsaty - tıisti qoǵamdyq tártipti saqtaý, respýblıkanyń temir jol jáne áýe kóligi nysandarynda qylmystyń aldyn alý jáne jolyn kesý. 

«Naýryz meıramy qarsańynda vokzaldar men áýejaılarda adamdardyń eki ese kóp bolatyny bárimizge málim. Bul - tek el turǵyndary ǵana emes, sondaı-aq elimizge mereke úshin arnaıy keletin alys jáne jaqyn shetel azamattary. Bizdiń basty mindetimiz - olardyń árqaısysynyń qaýipsizdigin qamtamasyz etý», - dep atap ótti polıtsııa polkovnıgi. 

Sondaı-aq, ol qoǵamdyq tártipti saqtaý úshin qyzmet basshylary men jeke quram qatarynan jedel, jumys toptary qurylatynyn atap ótti. Kún saıyn departamenttiń myńnan astam qyzmetkeri qyzmetke túsedi. 

«Barlyq aero jáne temir jol vokzaldarynda jolaýshylar legi, sondaı-aq eldiń ońtústik aımaqtarynan keletin jolaýshylar poıyzdarynda jáne qyrǵyz, ózbek halyqaralyq jolaýshylar poıyzdarynda profılaktıkalyq tekserý jumystary júrgiziledi», - dep túıindedi polıtsııa polkovnıgi. 

Sondaı-aq, Amanjol Qabylovtyń aıtýynsha, temir jol jáne áýe kóligi obektilerinde departament jáne onyń jelilik bólinis qyzmetkerleri bopsalaý, qalta urlyǵymen aınalysatyn tulǵalardy anyqtaý jáne olardyń qylmystyq is-áreketiniń jolyn kesý, qylmystyq jaýapkershilikke tartý jáne esepke qoıý maqsatynda reıdtik is-sharalar uıymdastyrady. Sonymen qatar, kınolog-mamandar qyzmettik izdeýshi ıtterdiń kómegimen qoǵamdyq qaýipsizdikti saqtaý boıynsha is-sharalarǵa qatysady. Departamenttiń esirtki qylmystaryna qarsy is-qımyl basqarmasynyń qyzmetkerleri júk bólimshelerin, saqtaý oryndaryn, kútý zaldaryn tekseredi.  

Жарнама орны

Múmkin sizdi qyzyqtyratyn taqyryptar:

  • Kólik polıtseıleri Naýryz qarsańynda «Quqyqtyq tártip» is-sharasyn ótkizedi
  • Otandyq fýtbol klýbtarynda legıonerler sanyn azaıtý máselesi qaralady - Úkimet basshysy
  • Elbasy Dúnıejúzilik Arnaıy Olımpıada oıyndarynyń ashylý rásimine qatysty
  • Prezıdent tapsyrmasy: Úkimet toby barǵan kópbalaly otbasyna aqtóbelik kásipker úı berdi
  • QR AShM Sý resýrstary komıtetiniń tóraǵasy qyzmetinen shettetildi