Biz bárin aldyn ala jasaı bilýimiz kerek - Janseıit Túımebaev

20190311181822.jpg

Qazaqstan xalqy Assambleıasy tóraǵasynyń orynbasary Janseıit Túımebaev ǵylymı-saraptamalyq keńestiń múshelerimen kezdesip, atalǵan qurylymnyń negizgi mindetterin belgilep berdi, dep xabarlaıdy QazAqparat tilshisi. 

"Ǵylymı-saraptamalyq keńes Assambleıanyń konsýltatıvti-analıtıkalyq organy bolyp tabylady. Al onyń negizgi mindeti - Qazaqstandaǵy etnosaıası, áleýmettik-ekonomıkalyq jáne konfessııalyq úderisterge saraptamalyq baǵa berý, atalǵan protsesterdiń óz elimizde ǵana emes, shetelde de damý bolashaǵyna boljam jasaý. Sóıtip, Assambleıanyń ǵylymı-saraptamalyq jumysyn júrgizý kerek. Bárimiz bir maqsat - beıbitshilik pen kelisimge jumys isteýimiz kerek. Ol úshin qolymyzda jaqsy materıal bolýy kerek. Bárińiz jaqsy bilesizder, qazirgi álemde kóptegen ózgerister bolyp jatyr. Sondyqtan biz bárin aldyn ala jasaı bilýimiz kerek. Bul - óte mańyzdy másele", - dedi J.Túımebaev. 

Onyń aıtýynsha, bıylǵy sharalardy da durys josparlap, oıdaǵydaı ótkizgen jón. Ol úshin tujyrymdama men baǵdarlamany bekitý kerek. "Osydan keıin naqty máselelerdi talqylaıtyn bolamyz. Al is-sharalar aýqymdy ári mańyzdy bolýy shart. Budan bólek, ǵylymı-zertteý jumysymyzdyń nátıjesin kórsetýimiz kerek. Ony buqaralyq aqparat quraldaryna shyǵaryp, basshylyqqa kórsetý qajet. Ol úshin teledıdardaǵy tanymal pikirtalas alańdaryn paıdalanǵan jón. Osyǵan baılanysty medıa-jospardy daıyndaýymyz qajet", - dep atap kórsetti J.Túımebaev. 

Budan bólek, baspa jumysyna qatysty naqty tapsyrmalar berildi. Keńes músheleri óz ıdeıalaryn júıelep, naqty jobalary bolsa, basshylyqqa jiberýi tıis. Janseıit Qanseıituly qoldaý kórsetýge ýáde etti. "Sonymen qatar Assambleıanyń resmı saıtynda "Qazaqstan xalqy" atty ǵylymı-ınteraktıvti karta bar. Ony mazmundy ári qyzyqty materıaldarmen toltyrý qajet. Taldaýdy kóbirek berý kerek. Kelesi jyly Qazaqstan xalqy Assambleıasynyń qurylǵanyna 25 jyl tolady. Soǵan tyńǵylyqty daıyndalýymyz kerek. Uıymnyń qalyptasý kezeńderin, ultaralyq kelisimniń qazaqstandyq modeline Elbasynyń qosqan úlesin kórsetýimiz qajet. Qyzyqty usynystar bolsa, qaǵaz júzinde berip jiberseńizder bolady", - dedi J.Túımebaev. 

Жарнама орны

Múmkin sizdi qyzyqtyratyn taqyryptar:

  • Qazaqstannyń Norvegııadaǵy Elshisi taǵaıyndaldy
  • Almaty oblysynda jyl basynan beri 30 jaıaý júrginshi qaza tapqan
  • Qazaqstan Prezıdenti memlekettik saparmen Tashkentke keldi
  • Qazaqstanda benzın óndirisi qańtarda 11,2 paıyzǵa artty Barlyq quqyqtar qorǵalǵan. inform.kz belsen
  • 1 naýryzda Qazaqstan halqynyń sany 18,43 mln adamǵa jetti