1 naýryzda Qazaqstan halqynyń sany 18,43 mln adamǵa jetti

20180915094614.jpg

NUR-SULTAN. QazAqparat - 2019 jyldyń 1 aqpanynda Qazaqstan halqynyń sany 18 mln 431,5 myń adamǵa jetip, 2018 jyldyń 1 naýryzymen salystyrǵanda 235,7  myń adamǵa nemese 1,3 paıyzǵa ósti. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi. Atalǵan kezeńdegi halyq sany 10 mln 721,5 myń adamdy nemese jalpy halyq sanynyń 58,2 paıyzyn, al aýyl halqy 7 mln 710 myń adamdy nemese 41,8 paıyzdy qurady. Osy jyldyń qańtar-aqpanynda respýblıkada 1 jasqa deıingi 615  sábı (ótken jyldyń qańtar-aqpanynda - 587) ólimi tirkeldi. 2018 jyldyń qańtarymen salystyrǵanda 1 jasqa deıingi sábılerdiń ólim-jitimi 4,8 paıyzǵa kemidi. 2019 jyldyń qańtarynda sábı óliminiń koeffıtsıenti 1000 dúnıege kelgen balaǵa shaqqanda 9,9 oqıǵa boldy. Sábı ólim-jitiminiń negizgi sebebi perınataldyq kezeńinde paıda bolǵan jaǵdaı sanalady. 

Onyń saldarynan qańtar-aqpanda 323  bala shetinedi. Týa bitken aýytqýdan 113, tynys alý músheleri aýrýynan 56, tótenshe jaǵdaılardan 19 bala kóz jumdy. Osy jyldyń qańtar-aqpanynda ótken jyldyń qańtar-aqpanymen salystyrǵanda Qazaqstanǵa kelýshilerdiń sany 16,2 paıyzǵa, ketýshilerdiń sany 16,2 paıyzǵa artty. Negizgi mıgratsııalyq almasýlar TMD elderine tıesili. TMD elderinen kelgenderdiń úlesi 85,5 paıyzdy jáne atalǵan memleketterge ketkender sany 89,5 paıyz boldy. El aýmaǵynan tysqary ketken mıgranttar sany 3,7 paıyzǵa artty. Óńiraralyq qonys aýdarýda  kóshi-qonnyń oń saldosy Batys Qazaqstan (7 adam), Mańǵystaý (69), Túrkistan (142) oblystarynda jáne Nur-sultan (4 146) men Almaty (4 632) qalalarynda tirkelgen.  

Avtor: Ashat Ahmetbekov  

Жарнама орны

Múmkin sizdi qyzyqtyratyn taqyryptar:

  • Qazaqstannyń Norvegııadaǵy Elshisi taǵaıyndaldy
  • Almaty oblysynda jyl basynan beri 30 jaıaý júrginshi qaza tapqan
  • Qazaqstan Prezıdenti memlekettik saparmen Tashkentke keldi
  • Qazaqstanda benzın óndirisi qańtarda 11,2 paıyzǵa artty Barlyq quqyqtar qorǵalǵan. inform.kz belsen
  • 1 naýryzda Qazaqstan halqynyń sany 18,43 mln adamǵa jetti