Qazaqstannyń tuńǵysh prezıdenti Nursultan Nazarbaev EAEO elderin halyq tutynatyn taýarlardy ımporttamaı, ózi shyǵarýǵa shaqyrdy, dep habarlaıdy Sputnik Qazaqstan.
Nazarbaev ımporttalatyn taýarlarǵa taldaý jasaý kerektigin aıtty.
"Jaqynda men bul jaıly oılandym, sóıtip qazaqstandyq qurylymdy qarap shyqtym. Inflıasııanyń 50 prosenti osy taýarlardyń ımportynan kelip otyr. Al eger ımporttalatyn taýarlarǵa zer salsaq, munyń bárin ózimizde óndirýge bolady. Máselen, halyq tutynatyn taýarlar: týflı, shulyq, kostıým, jeıde, tipti azyq-túliktiń ózin shetelden tasımyz. Sút, et ónimderin ımporttaımyz. Biraq, bylaı qarasaq, osynyń barlyǵy ózimizde óndiriledi ǵoı. Nege endi óz elimizde shyǵarmasqa?!", - dedi Elbasy Joǵary Eýrazııalyq ekonomıkalyq keńestiń mereıtoılyq sammıtinde.
Ol EAEO elderinde qandaı tutyný taýarlary shyǵarylatynyna taldaý jasaıtyn komıssııa qurý qajettigin atap ótti.
"Mysaly, sút Belarýste, Reseıde, bıdaı Qazaqstanda óndiriledi degendeı. Áskerılerge arnalǵan kıimniń ózin ımporttaımyz. Uıat", - dedi Nazarbaev.
