Atyraý oblysy ákiminiń eks-orynbasary men birneshe basshy sottalyp ketti

Atyraýda oblys ákiminiń burynǵy orynbasary Nursáýle Saılaýova men bilim berý salasy eks-basshylaryna qatysty iske núkte qoıyldy. Memleket bıýdjetinen 110 mln teńgeni talan-tarajǵa saldy dep aıyptalǵan 8 adamǵa qalalyq №2 sot úkim shyǵardy dep habarlaıdy Oinet.kz saıty "Astana"arnasyna silteme jasap.

866719CC-4452-4989-A286-9B40DA5EC1C3.jpeg

2 jylǵa bas bostandyǵynan aıyrylǵan Saılaýova endi ómir boıyna memlekettik qyzmet pen ulttyq kompanııalarda jumys isteı almaıdy. 

Aıta keterligi, ótken jyldyń 18 naýryzynda tergeý abaqtysyna qamalǵan eks-sheneýniktiń qamaýdaǵy ár kúni eki kún bolyp eseptelmek. Demek, ol jaqyn ýaqytta bostandyqqa shyǵýy da múmkin. 

Al jetim balalarǵa arnalǵan jańa jyldyq erteńgilikterden aqsha jymqyrǵan oblystyq bilim berý basqarma basshysynyń orynbasary Roza Qabdolova bolsa 4 jyl jaza arqalady. 

Onyń basshysy bolǵan Qaıyrǵalı Kenjeǵalıev 2 jylǵa shartty túrde sottalýmen shekteldi.

Sottalýshylar keltirilgen shyǵynnyń jartysyn memleket paıdasyna ótep úlgergen. Qazir qalǵan soma 51 mln teńge. 

"51 mıllıondaı memleketke shyǵyn keltirip otyr. Jeke kásipkerlerdiń bári tanystary bolǵan. Jumystyń jartysyn jasap, jartysyn jasamaǵan. Sonymen qatar jańa jyldyq shyrshalarǵa bólingen aqsha qarajattaryn  ózderiniń tanys jeke kásipkerlerine aýystyryp, bul aqshalardyń 10 paıyzyn jeke kásipkerlerge berip, qalǵan 90 paıyzyn alyp, ózderi jumystar júrgizgen", - dep málimdedi Atyraý qalalyq №2 sotynyń sýdıasy Tashımov.

Жарнама орны

Múmkin sizdi qyzyqtyratyn taqyryptar:

  • Jambylǵa Saparbaevtyń artynan taǵy kimder kele jatyr?
  • Toqaev Qazaqstannyń syrtqy saıası basymdyqtaryn atap kórsetti
  • Abaev: «Bılik kinálilerdi «qazaq», «dúngen» dep bólmeıdi»
  • Sengen sotym sen bolsań...
  • Elbasy: "Qordaıdaǵy oqıǵada quqyq qorǵaý organdary jibergen qatelikter bar"