Qordaıda ustalǵandardyń jazasy qandaı bolady0

Premer-mınıstrdiń orynbasary Berdibek Saparbaev Qordaı aýdanynda jergilikti turǵyndarmen kezdesý barysynda zańǵa qaıshy áreket jasamaǵan azamattar bosatylatynyn málimdedi, dep habarlaıdy úkimet basshysynyń resmı saıty.

Saparbaev Qordaı aýdanynda Sortóbe, Masanchı, Aýqatty jáne Qarakemer aýyldarynyń turǵyndarymen kezdesý ótkizdi.

7f5cecbeccef0b411c7b294eae452fba.jpeg

Jıyn barysynda jergilikti turǵyndar ustalǵan azamattardyń taǵdyry týraly surady.

"Zańǵa qaıshy áreket jasamaǵandar bosatylady. Tártipsizdikke qatysqandardyń barlyǵy zań boıynsha jaýap beredi. Qazir jedel tergeý toby jumys istep jatyr, ol barlyq jaǵdaıdy anyqtaıdy", - dedi vıse-premer.

Sortóbelikter aýyldastaryn sabyrǵa jáne tártipti saqtaýǵa shaqyrdy.

"Qazaqstan zańdary bar, quqyq qorǵaý organdary bar – muny basty nazarǵa alý kerek. Bolǵan oqıǵaǵa obektıvti saraptama jasap, ne bolǵanyn, kim kináli ekenin anyqtaý kerek. Biz óz betimen jazalaýǵa jol bermeýimiz kerek. Bastysy – qoǵamda beıbitshilikti, birlik pen kelisimdi saqtaý", - dedi aýyl turǵyndarynyń biri.

Úkimet komıssııasy Qordaı aýdanynda jumysyn jalǵastyryp jatyr.

Kezdesýge, sonymen qatar, senat vıse-spıkeri Bektas Beknazarov, Jambyl oblysynyń ákimi Asqar Myrzahmetov, Qazaqstan halqy Assambleıasy tóraǵasynyń orynbasary Janseıit Túımebaev, májilis depýtaty Baqytbek Smaǵul qatysty.

Aýyl turǵyndarymen kezdesýde úkimet komıssııasynyń músheleri quqyqtyq tártipti saqtaý, keltirilgen zalaldy qalpyna keltirý, bolǵan oqıǵanyń jaı-japsaryn obektıvti anyqtaý, birlik pen tatýlyqty saqtaý boıynsha sharalar, bolashaqta mundaı kıkiljińderge jol bermeý sharalaryn qabyldaý máselelerin talqylady.

Qordaıdaǵy qaqtyǵys

7 aqpanda keshki saǵat 19:00-de Jambyl oblystyq polısııa departamentine "Qordaı aýdanynyń Masanchı aýylynyń janynda 70-ten astam adam tóbelesip jatyr" degen aqparat túsken. Zańsyz áreketterdi toqtatý úshin dereý polısııa qyzmetkerleri jiberiledi. Sol jerde bolǵan adamdar tóbelesti vıdeoǵa túsirip, áleýemettik jeli arqyly taratqan.

29C1B41F-94CD-4D7F-AFED-FCBD641AE4F0.jpeg

Sonyń saldarynan jaqyn jerdegi Aýqatty jáne Bulan batyr aýyldarynan kelgen 300-den astam azamat tóbeleske qosylady. Eki jaq bir-birine tas laqtyryp, taıaqpen urǵan. Tipti, qarý da qoldanǵan.

Keshe saǵat 21:00-den bastap Qordaı aýdanynda tótenshe jaǵdaı engizildi.

Keshe ustalǵan adamdardyń kóbisin bosatty. Sotqa deıingi tergeý sharalary qylmystyq kodekstiń 272-baby (jappaı tártipsizdikterdi uıymdastyrý jáne qatysý) men 99-baby (adam óltirý) boıynsha júrgizilip jatyr.

Densaýlyq saqtaý mınıstrligi jappaı tártipsizdikterden 10 adam kóz jumǵanyn málimdedi. 165 adam medısınalyq kómekke júgingen, olardyń 25-i Qyrǵyzstanda.

Ishki ister mınıstriniń orynbasary Alekseı Kalaıchıdı órtten 25 jer úı, 31 kommersııalyq nysan jne 41 avtokólik zaqymdanǵanyn habarlady.

Жарнама орны

Múmkin sizdi qyzyqtyratyn taqyryptar:

  • Jambylǵa Saparbaevtyń artynan taǵy kimder kele jatyr?
  • Toqaev Qazaqstannyń syrtqy saıası basymdyqtaryn atap kórsetti
  • Abaev: «Bılik kinálilerdi «qazaq», «dúngen» dep bólmeıdi»
  • Sengen sotym sen bolsań...
  • Elbasy: "Qordaıdaǵy oqıǵada quqyq qorǵaý organdary jibergen qatelikter bar"