Tikeleı efır kezindegi brıfıń barysynda Qazaqstan jýrnalısteri Ortalyq komýnıkasıa qyzmetin senzýra dep aıyptady. Bul týraly Oinet.kz habarlaıdy.

- «Suraǵyn sońyna deıin qoıyp úlgermegen áriptesimdi efırge qaıta qaıtarmaıynsha men óz suraǵymdy qoımaımyn. Bul «senzýra» dep atalady, qurmetti Ortalyq komýnıkasıa qyzmeti. Al Qazaqstanda senzýraǵa tyıym salynǵan», - dedi jýrnalıs Irına Sevostánova beısenbidegi brıfıń barysynda Bloomberg tilshisi Náýbet Bısenovke naqtylaıtyn suraq qoıýǵa múmkindik bermegennen keıin.

Sevostánovanyń sózinen keıin Bloomberg tilshisine densaýlyq saqtaý mınıstri Alekseı Soıdan karantındi engizýdiń jáne alyp tastaýdyń naqty krıterııleri týraly suraýǵa múmkindik berdi. Bul suraqty jýrnalıster brıfıń barysynda birneshe márte qoıdy, olar naýqastar sany, kereýetterdiń tolymdylyǵy jáne t.b. sıaqty naqty krıterıılerin ataýdy talap etken edi, alaıda naqty jaýaptaryn ala almady. OKQ ókili ol suraqty mınıstrlikke joldaıtynyn jáne oǵan densaýlyqmıniniń ókili Baǵdat Qojahmetov jaýap beretinin aıtty.

Sonymen qatar brıfıńtiń moderatory men QR premer-mınıstriniń orynbasary Eraly Toǵjanov jýrnalısterge tek brıfıń taqyryby boıynsha ǵana suraq qoıa alatyndaryn eskertti.

«Qurmetti jýrnalıster, sizderden tek brıfıń taqyryby boıynsha ǵana suraq qoıýlaryńyzdy suraǵym keledi. Sizderdi qyzyqtyratyn basqa suraqtar boıynsha arnaıy brıfıń ótedi, mınıstrlik ókilderi árkez shyǵady aldaryńyzǵa. Sondyqtan ýaqyt shekteýli, sizder taǵy da osyǵan nazar aýdarsańyzdar eken», - dedi Toǵjanov.