Turaqty damý jáne ýrbanızasııa baǵdarlamasynyń úılestirýshisi Fırýz Ibrohımov Qazaqstanda ekologııalyq bilim qaltyptastyrý úshin qandaı sharalar qabyldanyp jatqanyn aıtty, dep habarlaıdy Stan.kz aqparat agenttigi.

"Qazaqstandaǵy BUUDB baǵdarlamasy aıasynda eldiń 17 aımaǵynda ekologııalyq ortalyqtar qurý boıynsha pılottyq jobalar bastalady", - deıdi ol. 

Sonymen qatar, mamandar ekologııalyq oryndarda jaǵdaı jasaýdyń qanshalyqty mańyzdy ekenin aıtty.

"Ekologııalyq mádenıetti qalyptastyrý – mádenı sala, ekologııalyq óndiris – óndiristik sala. Sol sebepti barlyq uıymdar birigip ekologııanyń máselelerine aralasý kerek. Ekologııa mınıstrligi birneshe joba bastady. Tabıǵı Ulttyq parkterdi iri kompanııalarǵa berip, olar onda vızıt-ortalyqtaryn uıymdastyrǵan. Kelýshilerge jan-jaqty aqparat beredi", - deıdi "Serpin" Ulttyq bilim jáne ınnovasııa palatasynyń tóraǵasy, qoǵam qaıratkeri Murat Ábenov.

Dúnıe júzinde keıbir adamdar aýanyń lastanýynan kóz jumatynyn tilge tıek etken Qazaqstan NUR ALEM pavılonynyń jetekshisi Ásem Omar qoqystyń qalaı áser etetinin túsindirdi.

"Dúnıe júzinde árbir altynshy adam aýanyń lastanýynan ýaqytynan buryn qaıtys bolyp jatyr. Álemde muhıt teńiz sýlaryna 15 mlrd tonnadan astam qoqys tastalyp, qus-janýarlar zardap shegýde", - deıdi Qazaqstan NUR ALEM pavılonynyń jetekshisi Ásem Omar.