Toqaev Qyrǵyz elindegi jaǵdaıǵa qatysty pikir bildirdi

oinet1 14-10-2020

Memleket basshysy Qasym-Jomart Toqaev Qyrǵyz elindegi jaǵdaıǵa qatysty pikir bildirdi.

"Baýyrlas Qyrǵyz elindegi jaǵdaıdyń birtindep konstıtýsııalyq jolǵa oralǵany qýantady. Biz barlyq saıası kúshterdi qaqtyǵystardyń alǵashqy sátinen-aq sabyrǵa shaqyrdyq", - dep jazdy Prezıdent Twitter-de.

Sondaı-aq Memleket basshysy kórshi eldegi qazirgi prezıdent Sooronbaı Jeenebekovty qoldaıtyndyǵyn da aıtty.

"Prezıdent S.Jeenbekov – memlekettiń legıtımdi basshysy. Sondyqtan onyń qaqtyǵystardy toqtatyp, eldegi ahýaldy qalypqa keltirýge baǵyttalǵan áreketterin qoldaımyn. Qazaqstan úshin Qyrǵyzstandaǵy turaqtylyq strategııalyq seriktes ári odaqtas retinde mańyzdy", - dep atap ótti Toqaev.

Aıta ketsek, 5 qazanda Bishkekte oppozısııa mıtıngi ótkizdi. Olar Joǵarǵy Keńes - el parlamenti saılaýynyń nátıjelerimen kelispeıtindikterin bildirdi. Daýys berýge qatysqan 16 partııanyń tek tórteýi ǵana parlamentke ótti. Demonstranttar saılaý nátıjeleriniń joıylýyn, ekinshi ret daýys berý prosesin talap etti. Jappaı tártipsizdikter kezinde 1000-nan astam adam jaraqat aldy. Keıin Qyrǵyz eliniń Qaýipsizdik Keńesi, sodan keıin OSK saılaý nátıjeleriniń kúshin joıdy. Bishkekte tótenshe jaǵdaı rejımi engizildi.

Nazarbaev 100 myń otbasyǵa 50 myń teńgeden berýdi tapsyrdy
Baýyrlas túrik halqyna Qazaqstan kómek kórsetýge daıyn - Toqaev
Көтерілу
×