Reseılik dáriger-terapevt Larısa Alekseeva páterge koronavırýstyń enýiniń jurtqa beımálim jolyn atady. Sarapshy "Vechernıı Moskvaǵa"bergen suhbatynda óz tujyrymdarymen bólisti.

Onyń aıtýynsha, kóptegen adamdar dúkenderde jáne qoǵamdyq kólikterde maska taǵý arqyly ınfeksııanyń taralýyn boldyrmaýǵa bolady dep sanaıdy. Ol bul qate pikir ekenin alǵa tartty. 

Larısa Alekseevanyń sózine qaraǵanda, vırýs aýyrǵan kórshilerden sorǵysh arqyly páterge kirýi múmkin.

"Súzgilerdi jıi aýystyrý kerek. Jylyna bir ret aýystyrý kerek deıdi, biraq pandemııa kezinde ony jıi jasaý kerek", - dep túsindirdi ol.

Sonymen qatar, dáriger koronavırýsty aıaq kıim nemese kıim arqyly da ákelýge bolatynyn eske saldy.

"Munda aerozol formatyndaǵy antıseptıkterdi qoldaný tamasha nusqa bola alady", - dedi Larısa Alekseeva.

Sondaı-aq, maman aıaq kıimdi sabyndy sýda jýýǵa keńes berdi, óıtkeni sabyn da vırýstan qorǵaı alady.

"Aıtpaqshy, úıge ákelgen árbir nárseni óńdeýińiz kerek. Mysaly, azyq-túlik. Men ár qaptamany jyly sýǵa jýamyn", — dep qorytyndylady Alekseeva.