Jazuşy Beksūltan Nūrjekeev eks-prezidenttı «halyqtyŋ bailyǧyn özıne bermedı, prezidenttıkten ketse de, bilıkten ketpei, otyryp aldy» dep synady.

Būl turaly «Azattyq» habarlady.

– Nūrsūltan Nazarbaevty Temırtau qalasynda jūmys ıstegen kezınen tanimyn. Ol turaly bırneşe maqala da jazdym. Nazarbaevtyŋ Qazaqstan şekarasyn bekıtkenın, elımızdıŋ soltüstıgıne astanany aparǧanyn joqqa şyǧara almaimyz.

Bıraq özı men otbasy, töŋıregı aşközdık jasady. Nazarbaevtyŋ Vaşington, Atatürık siiaqty tarihta qaluǧa mümkındıgı boldy, bıraq paidalana almady. Ol üşın halyqqa emes, özıne renjuı kerek. Sondyqtan halyqtyŋ betıne tura qarai almaidy. «Halyq üşın kün-tünı ūiyqtamadym» dep aita almaidy.

Qonaev qyzmetınen bosatylǧan soŋ üstınen qylmystyq ıs qozǧamaq bolyp tekserıp, eşteŋe şyǧara almady. Qylmysy bolsa Qonaevty qamaityn edı. Būl – adaldyqtyŋ, kırşıksız tazalyqtyŋ, elge ǧana qyzmet ıstegendıktıŋ belgısı. Qonaevtyŋ qoly taza boldy. Ol kısı qyzmetten ketkennen keiın de baryp, sälemdestım. Qarapaiymdyǧy men sypaiylyǧyna, mädenietıne qatty taŋ qaldym, – deidı Beksūltan Nūrjekeev.