Birtanovty qoldaýshylar mınıstrlikke ashyq hat jazdy

oinet1 06-11-2020

Qazaqstandaǵy tanymal dárigerler, ǵalymdar men qoǵam qaıratkerleri áleýmettik jelide bıýdjet qarajatyn jymqyrdy degen kúdikke ilinip, qamaýǵa alynǵan burynǵy densaýlyq saqtaý mınıstri Eljan Birtanovty qoldaý aksııasyn bastap ketti.  Olar eks-mınıstrdiń kináli ekenine senbeıdi. Densaýlyq saqtaý mınıstrliginiń eks-basshysyn qoldaıtyn ashyq hatty Help Today qorynyń jetekshisi, qoǵam qaıratkeri Elıa Alıeva Facebook-tegi   paraqshasynda jarııalady. 

image.png

Ashyq hatta jazylǵandaı, burynǵy mınıstrdiń ustalǵany týraly jańalyqty onymen birge oqyǵan. jumys istegen tulǵalar aýyr qabyldaǵan. Hat avtorlary Eljan Birtanovty "densaýlyq saqtaý mınıstrleriniń ishinde eń nátıjeli qyzmet atqarǵandardyń biri" dep atady. Olar Birtanov eńbek jolyn sanıtar qyzmetinen bastaǵanyn atap ótti. 

- Álemniń eń úzdik ýnıversıtetteri men aýrýhanalarynan alǵan teńdesiz bilimi, aǵylshyn jáne qazaq tilderin jetik bilýi, mol praktıkalyq tájirıbesi Eljan Birtanovqa álemniń kóptegen elindegi áriptesteriniń qurmetine ıe bolýǵa, eń jaqsy sheteldik tájirıbe men mamandardy elge tartýǵa múmkindik berdi,– delingen ashyq hatta. 

Sondaı-aq olar Birtanovtyń kezinde Qazaqstanda densaýlyq saqtaý júıesi aıtarlyqtaı jaqsarǵanyn atap ótken. Dárigerler jalaqysy kóbeıdi, mindetti medısınalyq saqtandyrý júıesi engizildi, jańa densaýlyq kodeksiniń jobasy iske qosyldy. 

- Aq halattylar men azamattyq qoǵam senim artqan, dárigerler otbasynan shyqqan, keremet uıymdastyrýshynyń sybaılas jemqorlyqqa qatysy bar degenge sene almaımyz. Salany damytý strategııasyna, saıası sheshimder qabyldaýǵa jaýapty joǵarǵy laýazymdy sheneýnik memlekettik satyp alýlarǵa qandaı qatysy bolýy múmkin? Bul onyń mindetine jatpaıdy! – deıdi hat avtorlary. 

Olar sondaı-aq pandemııa barlyǵy úshin kútpegen jaǵdaı boldy dep sanaıdy, sondyqtan da bul indetke daıyn bolmady dep kóptegen eldiń mınıstrleri men sheneýnikterin kinálaýǵa bolady. Alaıda jiberilgen qatelikterdi eskere otyryp, qorytyndy jasaý arqyly ǵana onymen kúresýge bolady. Qoǵam qaıratkerleri men dárigerler ózi pnevmonııamen aýyrǵan Birtanovtyń densaýlyq saqtaý mınıstrligi júıesine koronavırýspen kúreste áli de paıdasyn tıgizýi múmkin edi dep sanaıdy. 

Hattyń sońynda avtorlar "is kásibı ári beıtarap túrde tergeledi" degen úmitin bildirip, "bes balanyń ákesi, aýyr pnevmonııamen aýyrǵan adam tergeý kezinde óz úıinde bolýy múmkin edi" dep qosty. Habarlamaǵa sáıkes, hatqa, belgili dárigerler, professorlar, medısına ǵylymdarynyń doktorlary, elge eńbegi sińgen qaıratkerler qol qoıǵan. Olardyń qatarynda kardıohırýrg, Qazaqstannyń Eńbek Eri Iýrıı Pıa, neırohırýrg Serik Aqsholaqov, joǵary sanatty dáriger, ǵalym Abaı Baıgenjın, Respýblıkalyq medısınalyq palatanyń basshysy Maqsut Quljanov, Halyqaralyq reprodýktologııa akademııasynyń basshysy, akademık Vıacheslav Lokshın, profılaktıkalyq medısına akademııasynyń prezıdenti Almaz Sharman jáne basqa da belgili dárigerler, ǵalymdar, qoǵam belsendileri bar. 

Aıta ketý kerek, UMC baspasóz qyzmeti Tengrinews.kz tilshisine Iýrıı Pıanyń hatqa qol qoıǵanyn rastaǵan. 

Ashyq hattan bólek, Instagram-da eks-densaýlyq saqtaý mınıstrin qoldaýǵa arnalǵan paraqsha ashyldy, oǵan 100-den astam adam jazylyp úlgergen. Keıbir jeli qoldanýshylary eks-mınıstrge qatysty isti "taza ádiletsizdik" dep ataǵan jazbalaryn jarııalady. Adamdar óz pikirlerin "MenBizEljanBirtanov" jazýy bar sýretimen birge salyp, jarııalap jatyr. 

Elbasynyń jańa jınaǵy jaryq kórdi (foto)
Aıdarǵa kirý
Көтерілу
×