Asqar Jumaǵalıev Qazaqstannyń Nıderlandtaǵy elshisi bolyp taǵaıyndaldy

oinet1 01-10-2020

Asqar Jumaǵalıev Nıderlandtaǵy elshisi jáne hımııalyq qarýǵa tyıym salý uıymy janyndaǵy Qazaqstannyń turaqty ókili bolyp taǵaıyndaldy.

"Asqar Qýanyshuly Jumaǵalıev QR-nyń Nıderlandy koroldigindegi tótenshe jáne ókiletti elshisi, hımııalyq qarýǵa tyıym salý jónindegi uıym janyndaǵy QR-nyń turaqty ókili qyzmetin qosa atqarýshy bolyp taǵaıyndaldy", - delingen habarlamada.

Asqar Jumaǵalıev 1972 jyly 2 tamyzda Orynbor oblysynda dúnıege kelgen. Almaty energetıkalyq ınstıtýtyn (1996 jyl), Qazaq ulttyq tehnıkalyq ýnıversıtetin, Qazaq gýmanıtarlyq zań ýnıversıtetin (2002 jyl) bitirgen. Lozannadaǵy Shveısarııa Federaldyq tehnologııalar ınstıtýtynyń elektrondyq basqarý magıstri.

Eńbek jolyn 1996 jyly "Jaryq" JShS bas dırektory retinde bastaǵan. 1998-2000 jyldary Qazaqstan Respýblıkasy kólik jáne kommýnıkasııa mınıstrliginde jumys istedi.

2000 jyly "telekommýnıkasııalyq tarıf bıllıngi respýblıkalyq ortalyǵy" RMK basqarmasynyń bastyǵy boldy. 2001-2003 jyldary-baılanys salasyndaǵy memlekettik qadaǵalaý basqarmasynyń bastyǵy, baılanys jáne aqparattandyrý komıteti tóraǵasynyń orynbasary.

2003-2006 jyldary QR aqparattandyrý jáne baılanys agenttigi tóraǵasynyń orynbasary, odan keıin tóraǵa bolyp jumys istedi.

2006 jyldan 2010 jylǵa deıin "Qazaqtelekom" AQ prezıdenti qyzmetin atqardy.

2010-2012 jyldary baılanys jáne aqparat mınıstri boldy.

2012-2014 jyldary-QR kólik jáne kommýnıkasııa mınıstri. 2014 jylǵy naýryz-tamyz aralyǵynda baılanys jáne aqparat agenttiginiń tóraǵasy.

2014 jyly QR ınvestısııalar jáne damý mınıstriniń orynbasary boldy. 2015 jyldan 2017 jylǵa deıin "Qazatomónerkásip "UAK" AQ basqarma tóraǵasy qyzmetin atqardy.

2017-2019 jyldary premer - mınıstrdiń orynbasary, qorǵanys jáne aeroǵarysh ónerkásibi mınıstri. 2019 jylǵy aqpan-maýsym aralyǵynda QR sıfrlyq damý, qorǵanys jáne aeroǵarysh ónerkásibi mınıstri qyzmetin atqardy.

Qazaqstannyń Nıderland koroldigindegi elshisi bolyp taǵaıyndalǵanǵa deıin 2019 jylǵy maýsymnan bastap 2020 jyldyń shildesine deıin sıfrlyq damý, ınnovasııalar jáne aeroǵarysh ónerkásibi mınıstri bolǵan edi

Densaýlyq saqtaý mınıstri halyqaralyq áýe reısterin shekteýdi usyndy
Qazaqstanda Kavasakı sındromy bar eki bala kóz jumdy
Көтерілу
×