Karantın kezinde 42 500 teńgeni ala almaı qalǵan jaldamaly jumysshylarǵa da áleýmettik járdemaqy taǵaıyndalady. Ol úshin jumys berýshi jyl sońyna deıin apellıasııalyq ótinishpen birge taǵy eki qujat tapsyrýy kerek. Biraq, bul múmkindik tek shaǵyn jáne orta kásipkerlik salasynda jumys isteıtinderge beriledi. 

Bazarda jaldamashy jumysshy bolyp qyzmet etip kelgenderdiń birazy 42500 teńgeden qaǵylǵany belgili. Óıtkeni, áý basta jumys berýshimen arada eńbek kelisim sharty jasalmaǵan soń, qazir ýaqytsha jumys istemeıtinderi týraly qujattary joq. 

"Jumysshylardyń quqyǵy taptalatyn jerler - bazarlar. Sol kásipkerliktiń basshylar ózderiniń buıryqtaryn jáne tizimderin ótkizýi kerek bolǵan", - dedi Almaty qalasy Naýryzbaı aýdandyq áleýmettik ál-aýqat bóliminiń basshysy Záýre Ábildaev.

Ázirge Almaty qalasy boıynsha 431 jumys berýshi óziniń jaldamaly jumysshysyna áleýmettik tólem alýy úshin appelıasııalyq ótinish toltyrǵan. Úkimet tarapynan onyń 70 paıyzyna 42500 teńge taǵaıyndalypty.

Nurgúl Qaıratqyzy da TJ kezinde járdemaqyny alý úshin óz betimen ótinish berip kórgen. Nátıjesinde, oǵan tólem taǵaıyndalmaǵan. Biraq, ol jumys berýshige quqyǵymdy taptatyp qoıa almaǵanyn aıtady. 

"Jumys berýshi maǵan ýaqytsha jumysshy degen qaǵaz bergen joq. Aılyqty kúnine alatynmyn", - dedi áıel. 

Dál osylaı eńbekaqyny qolyna ustatyp, jumys kúshin paıdalanyp kelgen kásipkerler jyl sońyna deıin jaldamaly jumysshylaryn tirkep, olardyń árqaısysyna ýaqytsha jumyssyz degen qujat berýge mindetti. Sonda ǵana shaǵyn jáne orta kásipkerlik salasynda eńbek etip, tabysynan aıyrylyp qalǵandarǵa áleýmettik tólem taǵaıyndalady. 

"42500 teńgeni alý úshin jumys berýshi aldyńǵy toqsandaǵy óziniń tabys kózin dáleldeıtin qujat qajet. Shildi, tamyz, qyrgúıekte tabys kózi bolmasa, onda komıssııa bar, shtab qurylǵan, biz qarastyramyz", - dedi Almaty qalasy Naýryzbaı aýdandyq áleýmettik ál-aýqat bóliminiń basshysy Záýre Ábildaev.

Iаǵnı, komıssııa shaǵyn jáne orta kásipkerliktiń tótenshe jaǵdaıǵa deıin jumys jetkizse boldy. Jaldamaly jumysshynyń ýaqytsha jumyssyz ekenin rastaıtyn qujatty jumys berýshiniń ózi zańdy tulǵanyń tirkelgen mekenjaıy boıynsha aýdandyq ál-aýqat basqarmasyna tapsyrýy tıis eken.