Qazaqstan Halyq partiiasynyŋ XIX kezekten tys sezınde partiia basşylyǧynyŋ qūramy özgerdı. Ermūhamet Ertısbaev QHP töraǧasy bolyp sailandy. QHP parlamenttık fraksiiasynyŋ būrynǧy basşysy, Mäjılıs deputaty Aiqyn Qoŋyrov töraǧanyŋ bırınşı orynbasary bolyp taǧaiyndaldy. Būl turaly atalǧan partiianyŋ saity habarlady. 

Sezd Qazaqstan Halyq partiiasynyŋ jaŋa maqsattary men mındetterıne arnaldy. Partiia ökılderı osyǧan deiın atqarylǧan jūmystardy saralady. Basqosu barysynda partiia janynan qūrylǧan mügedek adamdardyŋ qūqyqtary jönındegı jobalyq keŋsenıŋ qyzmetı tılge tiek etılıp, eŋbek qūqyqtary salasyndaǧy käsıpodaqtarmen yntymaqtastyqtyŋ nätijesı baiandaldy.

Aiqyn Qoŋyrov Qazaqstan transformasiianyŋ kürdelı ärı ötpelı kezeŋın bastan ötkerıp jatqanyn jariialady. Ol Memleket basşysy Qasym-Jomart Toqaevtyŋ reformalary qoǧamdy demokratiialandyruǧa jäne bilık tarmaqtarynyŋ teŋgerımdılıgın qamtamasyz etuge baǧyttalǧanyna nazar audardy.

– Būl proseste saiasi partiialarǧa maŋyzdy röl berıledı. Bızdıŋ partiianyŋ ädıl demokratiialyq memleket qūru turaly ideiasy jan-jaqty damytudy talap etedı. Partiianyŋ transformasiiasy jalǧasyp jatyr. Būl üderıs üzdıksız boluǧa tiıs. Partiia basşylyǧy men partiia qūrylymynyŋ qūramyn täjıribelı adamdarmen tolyqtyru, memlekettık qyzmette, ökıldı organdarda, azamattyq sektorda belsendı bolu özektı mäsele, – dedı A. Qoŋyrov.

Sezd barysynda QHP töraǧasy lauazymyna Ermūhamet Ertısbaevtyŋ kandidaturasy ūsynyldy.

– Ol köşbasşy, ministr, deputat, diplomat retınde tanymal. Bızdıŋ partiiamyzǧa täjıribesı men bılımı mol, memlekettık deŋgeidegı saiasi jäne qoǧam qairatkerınıŋ keluı alǧaş ret bolyp otyr, – dep atap öttı köpşılık. Kandidatura bırauyzdan maqūldandy.