Qazaqstanda Kavasakı sındromy bar eki bala qaıtys boldy. Bul týraly qazaqstandyq pedıatrııa jáne balalar hırýrgııasy ǵylymı ortalyǵynyń basqarma tóraıymy Rıza Boranbaeva aıtty, dep habarlaıdy Stan.kz aqparat agenttigi. 

Rıza Boranbaevanyń aıtýynsha, búgingi tańda Qazaqstanda balalardyń mýltısıstemalyq qabyný sındromymen aýrýdyń 41 faktisi tirkelgen. Ókinishke oraı, eki jáne úsh jastaǵy eki balany qutqarý múmkin bolmady.

"Búginde Kavasakı sındromy bar 41 bala tirkelgen. Onyń ishinde 37 bala aman-esen shyǵaryldy, eki bala qaıtys boldy. Negizgi sebep ekeýinde sozylmaly aýrýlar boldy. Olarda basqa organdardyń buzylýy men aýrýlary boldy, sondyqtan bul balalardy qutqarý múmkin bolmady", - deıdi Rıza Boranbaeva.

Pedıatr dárigerdiń aıtýynsha, mýltısıstemalyq qabyný sındromy Qazaqstanda buryn bolmaǵan. Balalarda koronavırýstan keıin shamamen eki-alty apta ishinde paıda bolady. Osy ýaqytqa deıin mundaı naýqastarda PTR synaǵy teris, biraq qanda covid-19 antıdeneleri kezdesedi.

Sonymen qatar, mýltısıstemalyq qabyný sındromy Kavasakı sındromynan erekshelenedi, birinshisi bes jasqa deıingi jas balalarda paıda bolady, al ekinshisi 21 jasqa deıingi jastar da aýyrýy múmkin.

"Aýrý Kavasakı aýrýyna óte uqsas bolǵandyqtan, búkil álemde bul aýrý Kavasakı aýrýy retinde emdeldi. Klınıkalyq belgiler men zerthanalyq málimetter óte uqsas boldy. Kavasakı aýrýyn emdeýde joǵary dozaly ımmýnoglobýlınder qoldanylady. Biz de osy emdi qoldandyq, sonyń arqasynda balalardyń basym bóligi jazylyp shyqty. Eń bastysy - ýaqytynda dıagnoz qoıyp, emdeýdi bastaý", - dep qorytyndylady Rıza Boranbaeva.