Densaýlyq saqtaý mınıstri Alekseı Soı elde koronavırýs ınfeksııasynyń taralýyna jol bermeý úshin Úkimetke birqatar shara qabyldaýdy usyndy. 

«Shet elderde koronavırýs ınfeksııaynyń taraýy boıynsha jaǵdaıdyń kúrdelenip bara jatqanyn eskere otyryp, ınfeksııanyń el ishinde taralýyna jol bermeý úshin 5 qazannan bastap basqa eldermen qosymsha áýe qatynastaryn jandandyrýdy toqtatý usynylady. Sonymen birge, búginge deıin áýe qatynastary retke keltirilgen eldermen áýe reısterin arttyrmaýdy, odan bólek Túrkııa Respýblıkasyna reıster sanyn azaıtýdy usynamyz. Ekinshi sanatqa jatatyn memleketterden keletin adamdarǵa kelesi talaptardy mindetteý kerek: termometrııa, anketalaý, koronavırýs boıynsha testten ótkeni týraly merzimi kórsetilgen anyqtama (3 táýlik burynǵy). Anyqtama bolmaǵan jaǵdaıda kelgen adamdar karantındik stasıonarlarda eki aptaǵa deıin oqshaýlanady», - dedi Alekseı Soı Úkimet otyrysynda. 

Sonymen qatar, mınıstr dál osy talaptardy shekaralyq beketter arqyly elge kiretin adamdarǵa qoldanýdy surady.