Qazaqstan bolashaq kelissózder oń nátıje beretininen úmitti jáne munaı óndirýdi jalpy qysqartýǵa qatysýǵa daıyn. Bul týraly QR Egergetıka mınıstrligi málimdedi.

«Qazaqstan óz kezeginde aldaǵy ýa,qytta munaıdy óndirý kólemin qysqartý boıynsha kollektıvti ortaq sheshim qabyldanady dep úmittenedi, bul shara óz kezeginde munaı ındýstrıasyna oń áserin tıgizedi», – delingen mınstrlik taratqan habarlamada.

Bul rette QR Energetıka mınıstri Nurlan Noǵaev Qazaqstan syndarly dıalogtyń jaqtaýshysy bolǵanyn jáne bolyp qala beretinin atap ótken.

«Bul rette, álemdik munaı naryǵyndaǵy baıqalǵan teńgerimsizdik tek OPEK + elderiniń kúsh-jigeri jetkiliksiz bolatynyn jáne jaǵdaı naryqtyń barlyq qatysýshylarynyń belsendi qatysýyn talap etetinin kórsetip otyr, – dedi Nurlan Noǵaev.– Biz óz kezegimizde búgingi kún tártibiniń ózektiligin túsinemiz jáne munaı óndirýdi jalpy qysqartýǵa qatysýǵa daıynbyz».

Esterińizge sala keteıik, 2020 jyldyń 9 naýryzynda Brent markaly munaı baǵasy OPEK+ otyrysyna qatysýshylardyń munaı óndirýdi qysqartý jóninde bir kelisimge kele almaýynyń saldarynan kúrt arzandady. Onyń baǵasy barreline 31-36,5 dollarǵa deıin tómendep ketti. Iaǵnı bir kúnde 30 paıyzǵa arzandap ketti. Bul jaǵdaı dúnıejúzindegi valúta baǵamyna áser etken bolatyn.

Buǵan deıin habarlanǵandaı, álemdik eki iri munaı eksporteri – Saýd Arabıasy men Reseı munaı óndirýdi qysqartý jónindegi mámilege Qurama Shtattardyń da qatysýyn qalaıdy. Bul rette AQSh prezıdenti Donald Tramp ta amerıkanyń munaı óndirýshileri óndiristi qysqartýy múmkin ekenin joqqa shyǵarmady. Dál bir aı ótken soń, 9 sáýir kúni OPEK+ formatyndaǵy mınıstrler vebınary ótken edi. On bir saǵatqa sozylǵan kelissózder nátıjesinde taraptar qandaı da bir kelisimge kele alǵan joq.