Nursultan Nazarbaev Ulttyq bank tóraǵasy Erbolat Dosaevty qabyldady, dep habarlaıdy Oinet.kz tilshisi Elbasy.kz saıtyna silteme jasap.

Kezdesýde Nursultan Nazarbaevqa pandemıa jaǵdaıyndaǵy álemdik ekonomıkanyń damýyna baılanysty jáne Qazaqstannyń saýda-ekonomıkalyq seriktesteriniń naryqtaryndaǵy jaǵdaıǵa qatysty boljamdar tanystyryldy. 

Sondaı-aq, Qazaqstannyń Tuńǵysh Prezıdentine qarjy naryǵyndaǵy jaǵdaı men eldegi aqsha-nesıe saıasatyn júzege asyrý barysy týraly aqparat berildi. 

- "Qarjy naryǵyndaǵy jaǵdaı turaqty. Bıylǵy segiz aıda ınflásıa jeti paıyzǵa jetti. Bul kórsetkish biz boljap otyrǵan deńgeıde tur. Bazalyq mólsherlemeni toǵyz paıyz deńgeıinde saqtap qaldyq", - dedi Dosaev.