Qaterli isiktiń aldyn-alyp boldyrmaıtyn sýsyn túri belgili boldy

admin 16-06-2020

Sheteldik basylym ómir jasyn uzartatyn sýsyn anyqtalǵanyn jazýda. Express basylymy adamnyń ómir jasyn uzartyp, qaterli isiktiń aldyn alatyn sýsyn túrin atady.

"Uzaq jasaǵyńyz kelse, denińiz saý bolǵanyn qalasańyz, salaýatty ómir saltyn ustanyp, durys tamaqtanýdan, ózge belgili bir sýsyndy ishý de jaqsy nátıje beretini dáleldengen. Atalmysh sýsyn tek eki zattan quralady jáne mezgilsiz qazanyń aldyn alady", - dep jazǵan basylym. 

Sheteldik basylymnyń málimetine sáıkes, bul sýsyn eń aldymen kýrkýmadan jasalady. Kýrkýma burynǵy zamannan óziniń densaýlyqqa erekshe paıdaly bolýymen belgili. Bul dámdeýishti túrli halyqtar ǵasyrlar boıy taǵamyna qosyp kelýde. Medısınada kýrkýmany qabynýǵa qarsy kúreste, aýyrsynýdy basý maqsatynda jáne metabolızmdi joǵarylatý maqsatynda qoldanady. Odan bólek, kýrkýma qaterli isik pen dıabettiń keı túrleriniń aldyn alady eken.

"Ómir jasyn uzartatyn" sýsynnyń quramynda kýrkýmadan bólek kombýcha dep atalatyn shaı sańyraýqulaǵy bolýy tıis. Bul sańyraýqulaq organıkalyq qyshqyldar men V dárýmenderine ári probıotıkterge baı. 

Amerıkalyq ǵalymdardyń zertteýine sáıkes, shaı sańyraýqulaǵy bakterıalardyń barlyǵyna qarsy antımıkrobtyq qasıetke ıe. Odan bólek, sýsyn qaterli isik jasýshalarynyń taralýyn azaıtady. Kóptegen tájirıbeler júrgizý barysynda shaı sańyraýqulaǵy men kýrkýma qosylǵan sýsynnyń densaýlyqqa óte paıdaly ekeni anyqtalǵan. Olar Okınava elin mysalǵa keltirýde. Atalmysh memlekette álem boıynsha eń joǵary ortasha jas uzaqtyǵy tirkelýde - 81,1 jas. Bul eldiń halqy kýrkýma qosylǵan sýsyndy jıi ishetini anyqtalǵan.

Aıdarǵa kirý
Jaǵdaı turaqty, daıyndyq joǵary
Көтерілу
×