Mýzyka sabaqtary balalardyń aqyl-oıyna paıdaly. Búldirshinniń este saqtaý qabileti, zeıini, sóıleý mádenıetine oń áser etedi. Tipti perzentińizdiń oqý úlgerimin jaqsarta túsedi dep oıla keldik.

Jaqynda Memory & Cognition-da jarıalanǵan maqalanyń avtorlary balalarǵa arnalǵan mýzykanyń paıdasy óte asyra siltep aıtylǵan dep sanaıdy. Zertteýshiler 1986 jyldan 2019 jylǵa deıin shyqqan 54 ǵylymı jumysty taldady. Mýzykamen aınalysatyn balalardy mýzykamen aınalyspaıtyn balalarmen salystyrý tar aýqymda.  Sonymen qatar olardy basqa nárselermen aınalysatyn balalarmen: bı, sport jáne t.b. salystyrý kerek. Sonda mýzykanyń jalpy ıntellektke, jalpy qabiletterdiń damýyna áser etpeıtini belgili boldy. Mýzykamen aınalysý asa áser etpeıdi. Iaǵnı, bala mýzykalyq talǵamǵa ıe bolady, motorıkany jaqsartady, ózin-ózi joǵary baǵalaıdy. Biraq, ol matematıkada úzdik bolady degen  sóz emes. Mýzykanyń basqa oqý pánderine tıgizetin paıdasy týraly pikir durys júrgizilmegen zertteý nátıjesinde týyndaǵan.